hóe-chhia chài gún beh lâi-khì, Tâi-oân ê āu-hoe-hn̂g
sè-kan sióng súi ê só͘-chāi, lóng tī hit chit pin
sūi-hong kim-koe-chio̍h, un-jiû kho-ài ê ke-lâng-hô
bông-lông sam-tiau-niá, chheng-chheng siang-khe súi
iu-iu koh mî-mî, chhin-chhiūⁿ chi̍t siú si
kiâⁿ kàu hok-liông, khòaⁿ tio̍h hái-piⁿ
lin-lin-long-long, iô kòe ke-liông-hô
khi-khi-kho̍k-kho̍k, pôaⁿ kòe sam-tiau-niá
chûn-chiah phiau-lâi iū phiau-khì, hái-hong tòa kiâm-bī
hái-bīn kim-kim teh siám-sih, ji̍t-thâu phû chūiⁿ-thiⁿ
pak-koan ê hái-éng, kui-khang hoan-hí teh chhiùⁿ-koa
jia̍t-chêng ku-soaⁿ-tó, pôe lán tàu-tīn kiâⁿ
ta-khe sé un-choân, gî-lân bé táⁿ-koaⁿ
lai-kàu so͘-ò, hái-sán siōng hó-chia̍h
si-si-sa-sa, hái-éng teh chhiùⁿ-koa
lu-lu-la-lah, ta-khe sé un-choân
tōa-soaⁿ tōa-hái tōa-káng-oan, hoa-lian kàu tâi-tang
tōa-kiô tōa-khe tōa-pōng-khong, pōng-khong o͘-lang-lang
iû-siúⁿ thāi-luh-koh, sán-pō͘ bê-lâng ê lí-hî-thâm
chē chûn siù-ko͘-loân, tâi-tang bán kim-chiam
sè-gōa ê thô-goân, bi-lê ê Tâi-oân
Chū-iû-chū-chāi, hēng-hok Tâi-oân lâng
kheng-kheng-khong-khong, hóe-chhia nǹg pōng-khong
pa-ná-pa-pa, hóe-chhia teh sio-siám
